Deputeti i Partisë Demokratike, Bardh Spahia, ka reaguar pas deklaratave të fundit të presidentit serb Aleksandar Vuçiç, duke i cilësuar ato si kërcënuese për Kosovën dhe paqen në rajon. Ai kritikon edhe qëndrimin e kryeministrit Edi Rama, duke e akuzuar për mungesë reagimi në një moment që, sipas tij, kërkon një qëndrim të qartë politik.
Në reagimin e tij, Spahia thekson se Kosova është një shtet i pavarur dhe sovran, ndërsa deklaratat që nxisin konflikt apo përmbajnë retorikë për spastrim etnik i konsideron të papranueshme. Sipas tij, liria e Kosovës u sigurua falë sakrificës së dëshmorëve dhe mbështetjes vendimtare të SHBA-së dhe NATO-s, të cilat mbeten garancia kryesore për stabilitetin në rajon.
Deputeti demokrat shprehet kritik edhe ndaj kryeministrit Edi Rama, duke thënë se heshtja e tij përballë deklaratave të Beogradit është e pajustifikueshme dhe dëmton interesat kombëtare.
Në përfundim, Spahia u bën thirrje partnerëve ndërkombëtarë dhe aleatëve të reagojnë ndaj deklaratave që, sipas tij, rrezikojnë paqen dhe sigurinë në Ballkan.
