Vllaznia vijon të shfaqë nivel të lartë në ndeshjet miqësore, duke triumfuar me rezultat të thellë ndaj Burrelit në “Loro Boriçi”.
Ekipi shkodran, që po përgatitet për sezonin e ri, siguroi një fitore të pastër 4-0 në testin kundër skuadrës matjane. Kuqeblutë dominuan që në start, duke imponuar lojën dhe duke e vendosur fatin e sfidës që gjatë pjesës së parë.
Nën drejtimin e trajnerit Edi Martini, Vllaznia tregoi qetësi dhe efikasitet, duke mbajtur kontrollin edhe në pjesën e dytë dhe duke thelluar epërsinë. Një tjetër fitore bindëse për shkodranët, që duken të përgatitur për sfidat që i presin.
