Kryetarja e Bashkisë Dimal, Juliana Memaj, ka reaguar ashpër ndaj propozimit të Partisë Socialiste për riorganizimin administrativo-territorial, duke kundërshtuar planin për shkrirjen e Bashkisë Dimal dhe bashkimin e saj me Bashkinë Berat.
Në një reagim në rrjete sociale, Memaj e cilëson vendimin si të pajustifikuar dhe akuzon socialistët se po marrin vendime pa vizion për të ardhmen e pushtetit vendor.
Sipas saj, ndryshimi i emrit të bashkisë në “Dimal” në vitin 2021 ishte rezultat i një procesi të gjatë konsultimi me qytetarët, i cili synonte krijimin e një identiteti të fortë historik dhe ekonomik për zonën, dhe se shkrirja e kësaj bashkie sipas saj, nuk i shërben komunitetit.
Sipas Memajt, Bashkia Dimal duhet të vijojë të funksionojë si njësi vendore më vete.
