Marshimi i protestuesve ka vazhduar në rrugët kryesore të Tiranës.
Pasi u penguan të zhvillojnë tubimin në bulevardin “Dëshmorët e Kombit”, ata kanë zgjedhur të ecin gjatë rrugëve të qytetit.
Protestuesit kanë kërkuar dorëheqjen e kryeministrit Edi Rama. Gjatë marshimit, qytetarët kanë kaluar mes trafikut, ndërsa shoferët i kanë mbështetur duke përdorur boritë e makinave.
Sipas vetë pjesëmarrësve, kjo protestë është “legjitime”, por pengohet nga policia.
Forcat e rendit janë duke zbatuar aktin normativ të miratuar nga qeveria, për të cilin qytetarët shprehen se është “i paligjshëm”.
