Pas dy ditësh ndërprerje, banorët e Vermoshit dhe gjithë zonës së Kelmendit janë rikthyer në furnizimin normal me energji elektrike.
Grupet e punës të OSHEE-së në Malësinë e Madhe kanë punuar pa ndërprerje për riparimin e defekteve në rrjetin e shpërndarjes, të shkaktuara nga moti i keq, reshjet e dendura të shiut dhe stuhitë.
Gjatë ndërhyrjes u riparuan edhe shtyllat elektrike të dëmtuara në fshatin Dobër. Sipas OSHEE-së, aktualisht e gjithë zona e Kelmendit furnizohet normalisht me energji elektrike.
