Informacione të reja kanë dalë në lidhje me zjarrin në apartamentin e Korçës, ku fatkeqësisht humbi jetën 72-vjeçari Urim Hysolli.
Sipas burimeve, në apartament jetonin një çift me qira, ndërsa pronari, Urim Hysolli, kishte rikthyer dy muaj më parë dhe kishte kërkuar që ata të lironin banesën.
Çifti u kishte kërkuar atij kohë për të gjetur një vend tjetër, ndërkohë që ai kishte zgjedhur të jetonte në një nga dhomat e apartamentit.
Fqinjët kanë pohuar se Hysolli konsumonte alkool në sasi të mëdha dhe dy ditë më parë, nën ndikimin e tij, kishte provuar të ndizte një zjarr në apartament, por fatmirësisht nuk kishte shkaktuar dëme të mëdha.
Megjithatë, rrethanat e ngjarjes së sotme mbeten ende të paqarta.
