“214 lekë për një litër naftë, 250 lekë taksë rruge dhe orë të tëra në trafik”, Bardeli: Veriu po penalizohet
Deputetja e Partisë Demokratike, Greta Bardeli, ka denoncuar rritjen e çmimit të naftës në 214 lekë për litër, duke e cilësuar një barrë të rëndë për qytetarët, veçanërisht për banorët e veriut.
Përmes një videoje të publikuar në rrjetet sociale, Bardeli shprehet se, përveç kostos së lartë të karburantit, qytetarët duhet të përballojnë edhe taksën e rrugës prej 250 lekësh, si dhe trafikun që zgjat me orë të tëra.
Sipas saj, të gjitha këto kosto po rëndojnë buxhetin e familjeve dhe po penalizojnë veçanërisht qytetarët e veriut, të cilët janë të detyruar të udhëtojnë në këto kushte.
