Ura e Telit në Drisht i është nënshtruar ndërhyrjes për riparim dhe mirëmbajtje, pas dëmtimeve të konstatuara në strukturën e saj.
Punimet janë kryer gjatë ditës së sotme nga Ndërmarrja e Shërbimeve Publike të Bashkisë Shkodër. Ndërhyrja ka përfshirë riparimin e pjesëve të dëmtuara dhe përforcimin e urës, e cila shërben si një lidhje e rëndësishme mes Drishtit dhe qendrës së Njësisë Administrative Postribë.
Ndërhyrja synon të përmirësojë kushtet e kalimit dhe të rrisë sigurinë për banorët që e përdorin këtë urë në mënyrë të përditshme.
Punimet vijnë pas shqetësimeve të ngritura lidhur me gjendjen e urës dhe nevojën për ndërhyrje për të garantuar kalimin e sigurt.
