Barcelona dhe Paris Saint-Germain kanë arritur marrëveshje për transferimin e Ferran Torres te klubi francez.
Sipas Mundo Deportivo, PSG do të paguajë pak më pak se 50 milionë euro, shumë e cila nuk përfshin bonuse.
Marrëveshja është konfirmuar edhe nga Fabrizio Romano, i cili ka dhënë sinjalin e tij të njohur “Here we go”.
Torres, 26 vjeç, ka rënë dakord me PSG-në për një kontratë pesëvjeçare, ndërsa tashmë mbetet vetëm finalizimi i procedurave zyrtare mes dy klubeve.
Sulmuesi kishte munguar në stërvitjet e fundit të Barcelonës, pasi negociatat për transferimin e tij kishin hyrë në fazën përfundimtare. Ai kishte kërkuar leje për të mos marrë pjesë në seancat stërvitore, ndërsa priste përfundimin e marrëveshjes.
Barcelona dhe PSG kanë arritur tashmë një marrëveshje verbale dhe po përgatisin dokumentacionin përkatës. Torres pritet të udhëtojë drejt Parisit për të kryer testet mjekësore.
