Një i ri 30-vjeçar nga Maliqi ka ndërruar jetë në liqenin e Pogradecit pasi u hodh nga një varkë.
Ngjarja ndodhi pak çaste më parë. Sipas informacioneve fillestare, viktima, i identifikuar me inicialet K.R., ndodhej në varkë së bashku me dy persona të tjerë kur u hodh në ujë dhe u mbyt.
Aktualisht, në vendngjarje ndodhet grupi hetimor, i cili po vijon punën për të sqaruar të gjitha rrethanat e rastit.
Autoritetet pritet të përcaktojnë përmes hetimeve nëse 30-vjeçari ka pësuar ndonjë problem shëndetësor, siç mund të jetë një infarkt pas kontaktit me ujin, apo nëse humbja e jetës ka ardhur si rezultat i mbytjes.
