Tim Civeja është zyrtarisht lojtar i Karlsruher në Bundesliga 2 për sezonin e ardhshëm. Ish-mesfushori i Shqipërisë U-21 largohet pas tre vitesh me Sarbruken në kategorinë e tretë të futbollit gjerman.
Civeja u largua me kujtimin e 116 ndeshjeve te Sarbruken ku shënoi 18 gola dhe asistoi 14 të tjerë. 24-vjeçari ka luajtur vetëm në Gjermani deri tani ku edhe ka lindur. Pasi luante me Gjermaninë U-19, vendosi të kalonte te moshat kuqezi.
Ky sezon ndërkohë ishte edhe më i miri me Sarbruken. Civeja shënoi gjashtë gola dhe asistoi shtatë tjerë.
Kujtojmë se vite më parë flitej për një talent. Debutimi i tij erdhi me Augsburg në Bundesligë. Asokohe ishte 19 vjeç.
