Premier League ka njoftuar zyrtarisht se Manchester City është gjetur fajtor për shkelje të rënda të rregullave financiare pas një hetimore të gjatë që ka zgjatur disa vite.
Një komision i pavarur ka konstatuar se klubi anglez ka kryer shkelje në 114 nga 115 akuzat e ngritura, që përfshijnë periudhën nga viti 2009 deri në vitin 2018, duke mbuluar nëntë sezone të plota.
Sipas vendimit të marrë, “qytetarët” akuzohen për përdorimin e kontratave të rreme me sponsorët, duke raportuar të ardhura të fryra në mënyrë të pavërtetë dhe duke fshehur shpenzime reale që kapin shifrën mbi 900 milionë paund. Këto fonde janë siguruar fshehurazi nga pronarët në Abu Dhabi, në përpjekje për të anashkaluar rregullat e Profitabilitetit dhe Qëndrueshmërisë, si dhe Financial Fair Play të UEFA-s.
Po ashtu, komisioni ka theksuar se Manchester City ka vështirësuar procesin hetimor duke mos bashkëpunuar me autoritetet drejtuese të Premier League. Ky institucion ka caktuar datën e premte, 2 tetor, si afatin e fundit për klubin që të dorëzojë apel kundër këtij vendimi.
Aktualisht, mbetet të shihet cilat masa disiplinore do të merren ndaj kampionëve aktualë. Ky rast konsiderohet si skandali më i rëndë financiar që ka ndodhur ndonjëherë në futbollin modern anglez.
