Vullnet Sinaj, deputet i Partisë Socialiste për qarkun e Vlorës dhe i njohur si përfaqësues i zonës së Selenicës, u rreshtua sot mes atyre që votuan kundër në Grupin Parlamentar të PS-së. Ai iu bashkua kolegut të tij, deputetit Erion Braçe, gjatë mbledhjes që u zhvillua në orët e paradites.
Pak para fillimit të seancës parlamentare të pasdites, Sinaj u ndal nga gazetarja e Euronews Albania, Eksiola Shehu, e cila e pyeti nëse do ta ruajë të njëjtin qëndrim edhe në ditën e enjte.
Sinaj iu përgjigj gazetarëve: “S’kam asnjë koment, ishte votë në grup”.
