Policia e Durrësit ka arrestuar Fetah Matajn, bashkëshortin e ish-drejtoreshës së Postës, e cila ndodhet në paraburgim për përfshirjen në një vjedhje prej rreth 700 mijë eurosh.
Për Matajn, Gjykata ka vendosur masën e sigurisë “Arrest në burg”, duke e akuzuar për veprën penale “Shtrëngimi me anë të kanosjes ose dhunës për dhënien e pasurisë, kryer në bashkëpunim”.
Pasi u ekzekutua urdhri i arrestit, dokumentacioni procedural iu dërgua Prokurorisë pranë Gjykatës së Shkallës së Parë të Juridiksionit të Përgjithshëm në Durrës për vijimin e hetimeve.
Burime nga Policia e Durrësit bëjnë të ditur se ndalimi i Matajt u realizua nga Sektori për Hetimin e Krimit Ekonomik.
Vetëm pak ditë para arrestimit, Fetah Mataj ishte caktuar në detyrën e zëvendësdrejtorit të Ndërmarrjes së Pastrim-Gjelbërimit në Durrës.
