KF Vllaznia ka njoftuar zyrtarisht përfundimin e bashkëpunimit me futbollistin Eslit Sala, duke e falënderuar për kontributin dhe përkushtimin e treguar me fanellën kuqeblu.
Në një mesazh të publikuar nga klubi shkodran, Vllaznia vlerëson profesionalizmin, sakrificat dhe angazhimin e Salës gjatë kohës që ka qenë pjesë e skuadrës, duke theksuar se ai ka mbrojtur me dinjitet ngjyrat kuqeblu në çdo minutë të aktivizimit të tij.
“Rrugëtimi yt me fanellën kuqeblu mbyllet, por kontributi dhe përkushtimi yt do të mbeten pjesë e Vllaznisë”, shkruhet në reagimin e klubit.
Në fund, drejtuesit e Vllaznisë i kanë uruar futbollistit suksese në vazhdim të karrierës dhe në çdo hap të së ardhmes së tij, duke e falënderuar për gjithçka që ka dhënë për skuadrën shkodrane.
“Faleminderit për gjithçka dhe suksese, Eslit!”, mbyllet mesazhi i klubit.
