Celine Dion u kthye në skenë mbrëmjen e së shtunës, duke nisur një turne të ri që përfshin 26 koncerte. Ky rikthim shënon daljen e parë të këngëtares pas një pauze prej më shumë se gjashtë vitesh.
Këngëtarja, e veshur me një fustan të zi pa rripa, hapi koncertin me interpretimin e këngës së saj “On ne change pas”. Pasi u pushtua nga emocionet, Dion ndaloi për pak çaste së kënduari, ndërsa 30,000 të pranishmit në Plenitude Arena, në afërsi të Parisit, thërritnin emrin e saj në mënyrë ritmike.
Gjatë viteve të fundit, këngëtarja 58-vjeçare është përballur me një sëmundje të rrallë neurologjike që e detyroi të largohej nga angazhimet publike. Gjatë tetë muajve të ardhshëm, ajo ka planifikuar të mbajë gjithsej 26 performanca.
Në vitin 2022, Dion bëri të ditur se ishte prekur nga sindroma e personit të ngurtë, një çrregullim i rrallë neurologjik që shkakton ngurtësi dhe spazma të muskujve. Që nga ai moment, ajo është tërhequr nga jeta publike, me përjashtim të një paraqitjeje të spikatur në ceremoninë e hapjes së Lojërave Olimpike 2024.
