Presidenti amerikan, Donald Trump, ka bërë të ditur se anijet kanë rifilluar kalimin përmes Ngushticës së Hormuzit, një nga rrugët më të rëndësishme për transportin e naftës globalisht.
Me një postim në Truth Social, Trump njoftoi se shumë prej anijeve që po kalojnë në këtë ngushticë janë të ngarkuara me naftë, duke lëvizur sipas asaj që ai e emërtoi “Autostrada Jugore”.
“Anijet kanë nisur kalimin, shumica e tyre të ngarkuara me naftë, nga Ngushtica e Hormuzit. Ato po udhëtojnë nëpër ‘Autostradën’ Jugore, e cila është plotësisht e sigurt dhe e pastër. Po ashtu, ka dhe zona të tjera për lëvizje”, deklaroi Trump.
Ndërkohë, çmimi i naftës ka pësuar një rënie pas njoftimeve për arritjen e një marrëveshjeje mes Shteteve të Bashkuara dhe Iranit.
Kontratat e naftës së papërpunuar Brent kanë rënë me 4.02%, duke arritur në 83.82 dollarë për fuçi.
Po ashtu, çmimi i naftës West Texas të ShBA-së qëndronte në 80.95 dollarë për fuçi, me një rënie prej 4.63%.
