Pasditen e sotme, një tërmet me magnitudë 3.5 të shkallës Rihter ka goditur zonën e Elbasanit, duke shkaktuar shqetësim dhe panik mes banorëve.
Lëkundjet sizmike u ndjenë fuqishëm në qytetin e Elbasanit, menjëherë pas rënies së tërmetit në orën 16:28.
Informacionet sizmologjike tregojnë se epiqendra e tërmetit është lokalizuar vetëm 4 kilometra në juglindje të Elbasanit, afërsisht 37 kilometra në juglindje të Tiranës, me koordinatat 41.08 N dhe 20.11 E.
Tërmeti është shënuar në një thellësi prej 10 kilometrash.
Sipas raportimeve të para nga autoritetet dhe shërbimet e emergjencës civile, nuk janë konstatuar dëme materiale apo të lënduar nga ky tërmet.
