Tensionet përpara Kryeministrisë vijojnë edhe në ditën e 171-të të protestës kundër qeverisë.
Protestuesit nuk janë lejuar të grumbullohen në bulevardin “Dëshmorët e Kombit”, duke u detyruar të qëndrojnë vetëm në trotuare.
Pjesa më e madhe e bulevardit është shënuar nga përplasje të ashpra mes protestuesve dhe forcave të policisë. Autoritetet kanë ndërmarrë shoqërime, të cilat shpeshherë kanë qenë të shoqëruara me dhunë.
Gjatë ndërhyrjeve të policisë, një vajzë humbi ndjenjat dhe qytetarët e pranishëm i ofruan ujë për ndihmë.
Në një moment, turma e protestuesve është bashkuar dhe ka bllokuar një furgon policie, pasi brenda tij ndodheshin protestues të shoqëruar nga policia.
Megjithë reagimin e ashpër të forcave të rendit, protestuesit kanë vazhduar të brohorasin fort. Ata kanë kënduar këngë patriotike dhe kanë kërkuar në kor dorëheqjen e kryeministrit dhe të kabinetit të tij, të cilët i akuzojnë për përhapjen e korrupsionit në nivelet më të larta të qeverisë.
