Pasi kishin kaluar disa orë para Ministrisë së Arsimit, protestuesit u drejtuan për tek Kryeministria nën thirrjet “Shqipëria kërkon revolucion” dhe “Studentët kërkojnë revolucion”.
Në marshimin përgjatë Rrugës së Durrësit u bashkuan studentë, prindër të tyre, qytetarë, si dhe simpatizantë të PD-së dhe partive të tjera opozitare, me destinacion final zyrën e kryeministrit Edi Rama.
Protesta e studentëve ka hyrë në ditën e 160-të, me kërkesa për dorëheqjen e Ramës dhe largimin e qeverisë. Gjatë marshimit në rrugët e Tiranës u dëgjuan thirrje të tilla si “Arrestoni Ramën!”, “Rama në burg, Berisha në burg” dhe “Rama, jep dorëheqjen!”.