Të rinjtë e ACT for Shkodra kanë ndërmarrë një nismë simbolike në rrugët e qytetit, duke shpërndarë shishe me ujë për efektivët e Policisë Bashkiake dhe Policisë së Shtetit, të cilët po përballen me temperatura të larta dhe fluks të shtuar trafiku.
Në akset dhe kryqëzimet kryesore të Shkodrës, efektivët vijojnë punën për menaxhimin e qarkullimit, ndërsa të rinjtë kanë zgjedhur t’u shprehin mirënjohjen përmes një gjesti të thjeshtë.
Përveç mbështetjes ndaj policisë, nisma përcjell edhe një apel për qytetarët: për distancat e shkurtra të reduktohet përdorimi i automjeteve dhe të zgjidhet më shpesh biçikleta, një prej mjeteve më karakteristike të Shkodrës.
Sipas organizatorëve, një zgjedhje e tillë mund të ndihmojë në lehtësimin e trafikut dhe në përmirësimin e lëvizjes në qytet, veçanërisht gjatë ditëve me fluks të lartë.
