Temperaturat e ngritura që kanë goditur Shqipërinë, sipas raportimeve nga Instituti i Gjeoshkencave, paraqesin një rrezik për zjarre, veçanarisht në zonat me pyje.
Metereologët parashikojnë një rrezik më të madh për zjarr të premten në jugperëndim të qarkut Shkodër dhe në verilindje të qarkut Fier. Ndërkohë, në pjesët e tjera të Shkodrës, Lezhës, Durrësit dhe Fierit, rreziku për zjarre pritet të jetë më i moderuar.
Tiranë, Elbasan, Berat, Vlorë dhe Gjirokastër, sipas meteorologëve, shfaqin një rrezik më të ulët për t’u prekur nga flakët.
Sinoptikanët parashikojnë që temperaturat të arrijnë deri në 34 gradë Celsius të premten. Edhe temperaturat minimale pritet të jenë të larta, duke shkuar deri në 22 gradë. Kjo do të shkaktojë që freskia e pritur të mungojë si në mëngjes, ashtu edhe në mbrëmje.
Gjatë pasdites së së enjtes dhe të premtes, reshjet e shiut do të jenë të pranishme. Ato parashikohen të jenë të dobëta deri në mesatare lokale, me shtrëngata në Shkodër, Kukës, Dibër, Elbasan dhe Korçë. Në pjesë të tjera të territorit, reshjet e dobëta lokale nuk përjashtohen.
