Tensione janë regjistruar pasditen e kësaj të enjte në protestën te Kryeministria, ku protestuesit nuk kanë lejuar praninë e mediave.
Sipas videos së publikuar në media, gjatë raportimit nga terreni, gazetarja dhe operatori i Top News u përballën me fyerje, shtyrje dhe thirrje agresive nga një grup protestuesish.
Në pamjet e publikuara dëgjohen thirrje si “Zhdukuni” dhe “Ikni”, ndërsa situata është tensionuar mes tyre.
Rasti vjen në ditën e 33-të të protestës, ku mijëra qytetarë, brenda dhe jashtë kufijve kërkojnë dorëheqjen e Ramës, ndëra vetë ky i fundit deklaroi sërish ditën e sotme, se dorëheqja e tij nuk është një opsion.
