Xhahid Bushati, shkrimtar nga Shkodra, është renditur mes tre fituesve të Fondit të Krijimtarisë Letrare për Fëmijë 2026. Ky fond, i iniciuar nga Qendra Kombëtare e Librit dhe Leximit, ka në fokus mbështetjen e botimit të veprave të reja në gjuhën shqipe për të vegjlit.
Juria e ka përzgjedhur Bushatin për dorëshkrimin “Plaku me akullore”, vepër që u zgjodh ndër propozimet konkurruese të këtij edicioni. Së bashku me të, ky vlerësim iu dha edhe Teuta Toskës për “Na quajnë motrat Qiriazi” si dhe Adelina Mamaqit për “Tregimet e kalendarit”.
Fondi ka për qëllim të motivojë autorët të krijojnë vepra të reja për fëmijë, duke u dhënë mundësinë që dorëshkrimet të shndërrohen në libra të botuar e të pasurojnë letrat shqipe për brezin e ri të lexuesve.
