Kryetari i Partisë Demokratike, Sali Berisha, e ka quajtur grisjen e flamurit të Izraelit gjatë protestës në Tiranë, një akt kriminal.
Për Berishën, ky incident paraqet një veprim ekstremist dhe antisemitik, që është në kontradiktë me marrëdhëniet e ngushta mes dy kombeve, ndërsa thekson nevojën për ndëshkimin e autorit.
“Partia Demokratike dënon ashpër grisjen e flamurit të Izraelit, i cili ishte i vendosur në ambasadën e këtij vendi, duke e cilësuar atë si një akt kriminal ekstremist, antisemit që përbën një shkelje të ndjenjave dhe lidhjeve tradicionale që lidhin dy kombet dhe dy vendet tona. Ne kërkojmë një ndëshkim të merituar ligjor për autorin,” deklaroi Berisha në një njoftim për mediat.
