Një aksident automobilistik ka ndodhur sot në Durrës, kur një automjet u përmbys si rezultat i humbjes së kontrollit nga ana e drejtuesit.
Sipas informacioneve të marra në mënyrë paraprake, brenda mjetit ishin dy qytetarë të huaj me origjinë nga Afrika, një djalë dhe një vajzë, të cilët dyshohet se po udhëtonin me shpejtësi të madhe në kohën e incidentit.
Raportohet se drejtuesi ka tentuar të realizojë një manovër, por ka humbur kontrollin mbi mjetin, duke e bërë atë të dalë nga rruga dhe për tu përmbysur.
Policia ka mbërritur në vendin e ngjarjes, ndërsa fatmirësisht, të dy personat kanë shpëtuar pa lëndime serioze, duke u përballur vetëm me disa gërvishtje dhe tronditje të lehta.
Hetimet janë në vazhdimësi për të përshkruar më mirë rrethanat e këtij aksidenti.
