Një incident është regjistruar në Koplik, ku një qytetar ka mbetur i bllokuar në një pus rreth 20 metra të thellë.
Sipas të dhënave paraprake, ai kishte zbritur në pus për të kryer një ndërhyrje riparuese, por më pas nuk ka mundur të ngjitej vetë në sipërfaqe.
Pas marrjes së njoftimit, në vendngjarje kanë mbërritur forcat zjarrfikëse, të cilat kanë realizuar operacionin e nxjerrjes së tij nga pusi.
Qytetari ka marrë ndihmën e parë në vend dhe raportohet se është në gjendje të mirë shëndetësore, pa dëmtime serioze.
Ndërhyrja e shpejtë e shërbimeve zjarrfikëse ka shmangur përkeqësimin e situatës dhe pasoja më të rënda.
