Stakimi i energjisë do të realizohet më datat 29, 30 qershor dhe 1 korrik.
Investimi për ndërtimin e linjës së re 35kV Koplik – Dedaj – Bogë ka filluar prej kohësh, i financuar nga Fondi Shqiptar i Zhvillimit. Ky projekt përfshin gjithashtu ndërtimin e dy nënstacioneve 35/6kV në Bogë dhe Dedaj, me synim rritjen e sigurisë në furnizimin me energji për zonat malore në veri.
Si pasojë e këtyre punimeve, OSSH bën të ditur se është e detyruar të stakojë energjinë elektrike që vjen nga fideri Zagora i Nst Koplik.
Në njoftim, përcaktohet se energjia do të mungojë në datat 29-30 qershor dhe 1 korrik, nga ora 08:00 deri në 17:00, dhe zonat e prekura përfshijnë: Shkrel, Goraj, Katund Kastrati dhe Gradiskije.
OSSH kërkon mirëkuptimin e abonentëve për këtë stakim të nevojshëm, i cili është një masë sigurie që lejon vazhdimin e punimeve në rrjetin elektrik.
Fotot nga Zani i Veriut
