Policia e Lezhës ka zbuluar detaje të reja rreth incidentit të ndodhur një ditë më parë në Kurbin, ku një 22-vjeçar u plagos me armë zjarri.
Pas hetimeve të kryera, autoritetet kanë arritur të identifikojnë dhe shpallin në kërkim personin që dyshohet si autor i kësaj ngjarjeje.
I dyshuari është K. N., 47 vjeç, banues në Sanxhak të Kurbinit.
Referuar të dhënave hetimore, ky 47-vjeçar dyshohet se ka qëlluar me armë zjarri drejt 22-vjeçarit Veron Pasha, duke e plagosur në këmbë.
Gjithashtu, hetimet kanë treguar se pas ngjarjes, i dyshuari është larguar nga vendi duke marrë automjetin e të plagosurit nën kërcënimin e armës.
Gjatë ekspertizës në vendin e ngjarjes, policia ka sekuestruar dy gëzhoja, të cilat do të përdoren si prova materiale në procesin hetimor.
