Deputeti socialist nga Lezha, Ermal Pacaj, ka përdorur një video në rrjetet sociale për të ironizuar protestuesit në Tiranë.
Në pamjet e publikuara, Pacaj duket teksa konsumon një sufllaqe, ndërsa tall një prej sloganeve të përdorura nga pjesëmarrësit në protesta, të cilët shpeshherë i etiketojnë të rinjtë socialistë si “sufllaqexhinj”. Përmes një toni ironik, deputeti thotë se tani protestuesit e kanë shpallur armik edhe sufllaqen, duke përmendur se më parë të njëjtit kanë shpallur si armiq Trumpin, Amerikën, Kanye West-in dhe bizneset shqiptare.
