Një zjarr ka rënë këtë të shtunë (21 mars) në masivin pyjor të vendit të quajtur “Suka e Mamëzit”, në Njësinë Administrative Kolsh, Bashkia Kukës.
Sipas informacioneve paraprake nga Shërbimi Zjarrefikes, zjarri ka përfshirë një sipërfaqe pylli, me bar të thatë, shkurre dhe lëndë drusore, kryesisht lis.
Ky është rasti i parë për këtë vit i një zjarri në masivet e larta pyjore të Kukësit.
Deri në këto momente, nuk dihen ende shkaqet e rënies së zjarrit, ndërsa thuhet se Shërbimi Zjarrfikës i Bashkisë Kukës vijon punën në terren të vështirë malor, për izolimin e plotë të vatrës.
