Kreu i Partisë Demokratike në Shkodër, Ardit Çylybyli, ka zhvilluar një takim me përfaqësuesit e Grupseksionit Postribë, ku në qendër të diskutimeve ishte organizimi i protestës kombëtare të 7 nëntorit në Tiranë, në mbështetje të studentëve.
Gjatë takimit u diskutua për angazhimin e strukturave në terren, koordinimin e tyre dhe sigurimin e një pjesëmarrjeje sa më të madhe të qytetarëve nga Shkodra dhe Postriba në protestë.
Çylybyli bëri të ditur se një tjetër fokus ishte intensifikimi i kontakteve me seksionet dhe forcimi i bashkëpunimit mes strukturave të partisë në të gjitha nivelet, në funksion të mobilizimit për protestën.