Një aksident rrugor ndodhi mbrëmjen e së premtes, rreth orës 20:10, në segmentin kombëtar që bashkon Tunelin e Krrabës me rrethrrotullimin e Bradasheshit.
Dy makina u përplasën me forcë, duke pësuar dëmtime të mëdha dhe duke u shkatërruar pjesërisht si pasojë e incidentit.
Autoritetet nuk kanë dhënë ende informacion zyrtar lidhur me gjendjen shëndetësore të drejtuesve të automjeteve apo të ndonjë pasagjeri që mund të ketë qenë në makinat e përfshira.
Lëvizja në këtë rrugë ka qenë e rënduar prej orës 15:30 për shkak të trafikut të dendur, ndërsa shkaqet dhe rrethanat e aksidentit nuk janë bërë ende të ditura.
Pritet që informacion shtesë në lidhje me dinamikën e ngjarjes dhe pasojat të bëhen publike në orët në vijim.