Një nismë frymëzuese ka lindur në Fishtë, ku fëmijët e zonës kanë krijuar “Kids Farmer Market”, një treg të vogël të dedikuar për promovimin dhe shitjen e produkteve të familjeve të tyre.
Ky aktivitet u jep mundësinë fëmijëve të prezantojnë para vizitorëve dhe klientëve prodhimet vendase, duke u bërë pjesë aktive e jetës ekonomike dhe sociale të komunitetit.
Pas ditësh përgatitjesh dhe pune, fëmijët kanë arritur të ndërtojnë një hapësirë të veçantë, e cila synon jo vetëm shitjen e produkteve, por edhe edukimin e tyre me vlerat e punës, bashkëpunimit dhe sipërmarrjes.
Organizatorët ftojnë qytetarët dhe vizitorët të mbështesin këtë iniciativë, e cila promovon prodhimet lokale dhe inkurajon angazhimin e brezit të ri në jetën e komunitetit.
“Kids Farmer Market” është një shembull i bukur se si idetë e fëmijëve mund të kthehen në një aktivitet që bashkon komunitetin dhe promovon vlerat e punës dhe të prodhimit vendas.
Nga Portali Veriu Sot
