Një operacion antikanabis është realizuar nga Policia e Kukësit në fshatin Gështenjë, ku janë nxjerrë në kërkim një 63-vjeçar dhe djali i tij 29-vjeçar. Po ashtu, ndaj bashkëshortes të 63-vjeçarit dhe kryeplakut të fshatit janë marrë masa penale.
Operacioni, i quajtur “Zabeli”, u zhvillua si rezultat i informacioneve të marra nga inteligjenca policore. Gjatë kontrollit në njësinë administrative Kalis, në zonën e fshatit Gështenjë, konkretisht në vendin e njohur si “Zabeli i Madh”, u identifikuan 215 bimë të dyshuara si narkotike Cannabis sativa, të cilat u shkatërruan nëpërmjet djegies.
Hetimet fillestare sugjerojnë se bimët narkotike kishin qenë të kultivuara nga shtetasit F. R., 63 vjeç, dhe M. R., 29 vjeç.
