Oliger Torba është emëruar në krye të Policisë së Tiranës, në kuadër të lëvizjeve të fundit në strukturat drejtuese të Policisë së Shtetit.
Torba kishte marrë detyrën e zëvendësdrejtorit të Policisë së Tiranës në prill të këtij viti. Më herët, ai ka mbajtur postin e zëvendësdrejtorit të Policisë së Fierit.
Kalimi në drejtimin e Policisë së kryeqytetit vjen pas një sërë ndryshimesh në strukturat drejtuese të uniformave blu.
Lëvizje të ngjashme janë bërë edhe në disa qarqe të tjera, përfshirë Beratin, Korçën dhe Elbasanin.