Gjatë protestës së sotme ka ndodhur një incident.
Dy efektivë policie kanë hyrë në një përplasje të fortë verbale me njëri-tjetrin.
Njëri prej tyre, i cili duket të jetë epror, i drejtohet kolegut të tij: “Mirë ik shoqëroji dhe nëpër shtëpi. Ne po punojmë këtu vëllai”.
Polici tjetër, që sipas pamjeve refuzon të zbatojë urdhrin, i përgjigjet: “O vëllai mos më fol mua herë tjetër ashtu se fole gabim. Më fole shumë keq. Më erdhi gjynah”.
Eprori vijon me një ton të ashpër: “Të erdhi gjynah ty, ik e shoqëroji nëpër shtëpi”.
Ndërkohë, efektivi replikon sërish: “Mos na bëj gjeneral brigade, po ik andej”.
Sherri verbal mes dy policëve zhvillohet me zë të lartë dhe dëgjohet qartë edhe nga qytetarët që ndodheshin në vendngjarje.
