Pasi u ndez debati publik mbi ndryshimet e propozuara në paketën fiskale për vitin 2027, kryeministri Edi Rama ka reaguar në rrjetet sociale.
Me një postim në platformën X, Rama iu përgjigj kritikave dhe diskutimeve që kanë qarkulluar lidhur me masat e reja fiskale. Ai bëri të qartë se pozicioni përfundimtar i qeverisë do të shprehet gjatë procesit të miratimit të buxhetit të ardhshëm.
Kreu i qeverisë vuri në dukje se buxheti për herë të parë në histori do të kapërcejë kufirin prej 10 miliardë eurosh, ndërsa e cilësoi paketën fiskale të re si më të guximshmen në aspektin e rishpërndarjes së rritjes ekonomike.
“Flisni flisni për masat e reja fiskale, grijeni sallatën tuaj të urrejtjes dhe padijes me dokumente pune të dalë gjysma-gjysma, se nesër e ka radhën qeveria të thotë fjalën e saj me miratimin e buxhetit të parë në histori që kalon pragun e 10 miliardë eurove dhe paketës më ambicioze të rishpërndarjes së rritjes ekonomik”, shkruan Rama në X.
