Marjana Koçeku ka marrë pjesë në ceremoninë përkujtimore në nder të Fet Sadikut dhe Ukë Çunit, dy martirëve të rezistencës antikomuniste në trevën e Nikaj-Mërturit.
Përmes një reagimi në rrjetet sociale, Koçeku kujton pushkatimin e tyre nga regjimi komunist në ditën e Shën Mëhillit, datë e cila, sipas saj, ka mbetur në kujtesën e banorëve të zonës si “Shën Mëhilli i përgjakun”.
Ajo vlerëson kontributin e Nikaj-Mërturit në historinë dhe kulturën shqiptare, duke theksuar sakrificat e kësaj treve ndër breza dhe duke iu referuar edhe shkrimeve të At Zef Pllumit për këtë zonë.
“Ishte nder për mue me marrë pjesë e me qenë sot mes komunitetit të Nikaj-Mërturit”, shkruan Koçeku, ndërsa falënderon Gjelosh Prognin për organizimin e ceremonisë.
