Deputetja e pavarur, Marjana Koçeku, ka reaguar për situatën e zjarreve në vend, duke kritikuar Kryeministrin Edi Rama për mungesën e pranisë në zonat e prekura nga flakët.
Në një status në rrjetet sociale, Koçeku e ka lidhur situatën me vizitën e Kryeministrit në Theth në kuadër të “Paketës së Maleve”.
“Për Paketën e Maleve, Kryeministri e gjeti shtegun e bani çmos me shku deri në Theth. Për Malin që u dogj në Krujë, 20 minuta nga Tirana, nuk e gjeti as rrugën, as kohën”, shkruan Koçeku.
Deputetja e opozitës e përdor këtë krahasim për të kritikuar atë që e konsideron si mungesë vëmendjeje të qeverisë ndaj situatës së zjarreve, ndërsa vendi vijon të përballet me vatra aktive në disa zona.
