Gentian Sala ka paraqitur dorëheqjen nga posti i kryetarit të Autoritetit të Komunikimeve Elektronike dhe Postare (AKEP), detyrë të cilën e mbante prej shkurtit të vitit 2025.
Vendimi i tij për t’u larguar nga drejtimi i këtij institucioni është marrë kohët e fundit dhe është dorëzuar zyrtarisht pranë Kuvendit të Shqipërisë, duke i dhënë fund mandatit të tij në krye të AKEP.
Me dorëheqjen e Salës, institucionet pritet të nisin procedurat për identifikimin dhe emërimin e kreut të ri të Autoritetit të Komunikimeve Elektronike dhe Postare.
Aktualisht, nuk është bërë publik ndonjë shpjegim zyrtar që të sqarojë arsyet që e kanë shtyrë Salën drejt këtij vendimi.
Ndërkohë, dorëheqja e tij ndodh në një periudhë kur janë shfaqur dyshime për lidhje me hetime të hapura nga organet e drejtësisë, kryesisht në një dosje ku janë përmendur emrat e Ergys Agasit dhe Vlora Hysenit.
