Pas rinovimit, Banjat e Bënjës në Përmet po përballen me sfida lidhur me nivelin e ujit në disa nga vaskat e saj, në një kohë kur rajoni po hyn në periudhën e tij më të njohur për fluksin turistik.
Problemet janë bërë më evidente me afrin e sezonit të verës, ku ulja e prurjeve natyrore ka një ndikim të drejtpërdrejtë në furnizimin me ujë të vaskave termale.
Raportet e fundit tregojnë për vështirësi në ruajtjen e nivelit të ujit, dhe në një nga vaskat më të njohura, situata është akoma më kritike. Sipas burimeve, një faktor tjetër që ka kontribuar në këtë problem është edhe lartësia e murit rrethues të vaskave, e cila u ndërtua pas procesit të restaurimit.
Projekti i rikualifikimit është mbështetur financiarisht nga Fondi Shqiptar i Zhvillimit dhe është zbatuar nga kompania “Fusha sh.p.k”, të themeluar nga biznesmeni Shkëlqim Fusha.
