Një avari e rëndë në rrjetin kryesor të ujësjellësit ka sjellë ndërprerje të furnizimit me ujë në disa pjesë të Tiranës.
Njoftimi nga Ndërmarrja e Ujësjellës-Kanalizimeve të Tiranës bën me dije se defekti është identifikuar në tubacionin e transmetimit DN 1100 mm prej çeliku, që shërben për furnizimin e depove perëndimore të qytetit.
Për pasojë, disa zona të kryeqytetit janë prekur nga mungesa e ujit. Konkretisht:
Selitë
Kodra e Diellit
Astir
Yzberisht
Pallatet Çabej
Kodër Kamëz
Fusha Misto Mame
Skuadrat e ujësjellësit ndodhen aktualisht në zonën e defektit dhe kanë filluar menjëherë procedurat për riparimin dhe rihapjen e furnizimit me ujë të pijshëm.
Akoma nuk është caktuar një orar i saktë për normalizimin e plotë të situatës, ndërkohë që ndërhyrjet teknike vijojnë intensivisht.
