Procedura e tenderimit për ndërtimin e hekurudhës Hani i Hotit-Rinas është anuluar, pavarësisht se kishte avancuar deri në fazën përfundimtare të përzgjedhjes së operatorit fitues.
Lajmi është konfirmuar nga drejtori Hekurudhës Shqiptare, Ergys Verdho, pas interesimit të televizionit MCN TV lidhur me ecurinë e projektit.Sipas Verdhos, gara ishte hapur në pranverën e vitit të kaluar dhe kishte vijuar normalisht deri në fazën finale, por më pas është vendosur anulimi i saj gjatë muajit nëntor.
Pas kësaj, procedurat janë rihapur në muajin dhjetor, duke i hapur rrugë një procesi të ri konkurrimi për realizimin e projektit hekurudhor.
“Gara ka filluar në pranverën e vitit të kaluar. Shkoi deri në finale dhe u anulua nga muaji nëntor. Në dhjetor janë rihapur procedurat. Dje kemi marrë objektin për fazën e dytë.Kemi parë kualifikimin e tre kompanive që tani do garojnë me çmim për 45 ditët e ardhshme. Nga shtatori mund të kemi një firme fituese.
Financimi ka mbaruar. Kemi marrë dhe kredinë edhe grantin, është 50-50. Në gare janë dy kompani turke dhe një italiane” tha Vjerdho.
Projekti konsiderohet një ndër investimet më të rëndësishme në sektorin hekurudhor, pasi synon të përmirësojë ndërlidhjen e veriut të vendit me Aeroportin Ndërkombëtar të Rinasit.
