Një grup qytetarësh nga Korça u ndal në Shkodër në kuadër të nismës për mbledhjen e 20 mijë firmave, me synim depozitimin e një nisme ligjvënëse qytetare që kërkon financimin nga shteti të trajtimeve mjekësore jashtë vendit për fëmijët nga 0 deri në 18 vjeç.
Nisma synon t’u japë mundësi fëmijëve të marrin trajtim në spitale të huaja me fonde publike, në rastet kur sëmundjet e tyre nuk mund të trajtohen nga sistemi shëndetësor në Shqipëri.
Aktivisti Klajdi Pllaha u shpreh se bëhet fjalë për rreth 50 raste në vit, një kosto që sipas tij është e përballueshme për buxhetin e shtetit, në mënyrë që familjet të mos përballen krahas dhimbjes edhe me barrën ekonomike.
Fushata ka nisur në Korçë dhe po vijon në qytete të ndryshme të vendit.
