Gjykata greke ka lënë në burg 3 nga të arrestuarit e pandehur për ekzekutimin e një prej drejtuesve të botës së krimit në vendin fqinj Giorgos Moschouris, i njohur me nofkën “Thamnakias”.
Në grupin e të arrestuarve janë edhe 2 shqiptarë, teksa në total janë të përfshirë të paktën 6 persona. I cilësuar si “mafioz”, greku ra i vdekur nga të shtënat me kallashnikov në një rrugë kryesore në Chalandri, në prill 2025, jashtë një qendre mjekësore.
Të pandehurit janë akuzuar, rast pas rasti, për nëntë krime dhe gjashtë kundërvajtje. Gjatë deklaratave të tyre të gjata, ata mohuan çdo përfshirje në organizatën kriminale që u atribuohet.
Sipas informacioneve, njëri nga të pandehurit pretendoi para hetuesit se gjurmët e gishtërinjve të telefonit të tij celular vërtetojnë se ai ndodhej në një vendndodhje tjetër në kohën e vrasjes, ndërsa dyshohet se deklaroi se nuk i njeh të bashkëpandehurit e tij.
“I mohoj akuzat. Nuk kam asnjë lidhje me të pandehurit e tjerë, as nuk i njoh ata. Nuk jam në asnjë video dhe nga gjurma e celularit tim duket se kam qenë diku tjetër. Nuk jam unë ai që po kërkoni”, thuhet se ka deklaruar 48-vjeçari.
Atentati dyshohet se u realizua i porositur nga një prej kundërshtarëve të “Thamnakias”, kurse hetimet janë ende aktive nga prokuroria helene. Dy prej të dyshuarve ishin arrestuar në operacionet e mëparshme dhe gjendeshin në burg.
