PD Shkodër nis përgatitjet për zgjedhjet lokale, hapet procesi i propozimit të kandidatëve

Partia Demokratike në Shkodër ka nisur diskutimet për organizimin e zgjedhjeve të ardhshme lokale të 9 majit, duke vënë në lëvizje strukturat për përzgjedhjen e kandidatëve.

Lajmi është bërë i ditur nga drejtuesi i PD-së në Shkodër, Ardit Çylybyli, i cili përmes një postimi në rrjetet sociale ka njoftuar se procesi ka nisur në mbledhjen e Kryesisë së degës.

Sipas Çylybylit, në fokus të diskutimeve ishte propozimi i emrave për kandidatë, shqyrtimi i alternativave dhe përfshirja e strukturave dhe demokratëve të Shkodrës në këtë proces.

Ai thekson se përgatitjet do të vijojnë përmes bashkëpunimit dhe angazhimit të strukturave të partisë, ndërsa e cilëson procesin si një hap të rëndësishëm drejt zgjedhjeve të ardhshme lokale.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

Më të lexuara

Lexo edhe