Një aksident rrugor është shënuar në Ksamil, ku një motor ka dalë nga rruga, duke lënë të plagosur drejtuesin e tij, Dhimitër Malaj, 28 vjeç.
I riu u dërgua me urgjencë në spitalin e Sarandës me automambulancë. Mjekët raportojnë se Malaj ka marrë lëndime në kokë dhe në këmbë.
Për shkak të plagëve të marra, kirurgu i spitalit ka vendosur ta shtrojë të lënduarin në pavionin e kirurgjisë për trajtim më të specializuar.
Policia rrugore, që mbërriti menjëherë në vendin e ngjarjes, ka nisur hetimet për të identifikuar shkaqet e aksidentit.
