Dy persona kanë humbur jetën pasi një avion i vogël u përplas në jugperëndim të Gjermanisë, pranë qytetit Gundelsheim në landin Baden-Württemberg.
Policia gjermane konfirmoi se të dy pasagjerët që ndodheshin në bord kanë ndërruar jetë si pasojë e aksidentit ajror.
Pas rrëzimit, avioni mori flakë. Ekipet e emergjencës mbërritën shpejt në vendngjarje dhe arritën të lokalizojnë zjarrin.
Mediat gjermane raportojnë se avioni ishte në përpjekje për të zbritur në një pistë në afërsi të Gundelsheim, kur për shkaqe ende të panjohura u përpoq të rifillonte fluturimin.
Gjatë kësaj manovre, avioni fillimisht goditi një gardh, më pas një pemë dhe më pas u rrëzua në një vresht.
Zjarri i rënë pas aksidentit e ka shkatërruar avionin, duke bërë të pamundur identifikimin e tij për shkak të djegies së plotë të shenjave të regjistrimit. Për pasojë, identiteti i viktimave mbetet ende i panjohur.
Njësitë e hetimeve të sigurisë ajrore kanë mbërritur në vendin e ngjarjes dhe kanë filluar procesin për të përcaktuar shkaqet dhe rrethanat që çuan në aksident.
Hetimet janë në vijim, ndërsa autoritetet presin të bëjnë publik identitetin e viktimave sapo të përfundojnë procedurat përkatëse të identifikimit.
