Një komandant i Hamasit u vra në Rripin e Gazës nga forcat izraelite, sipas ushtrisë së Izraelit, e cila pretendon se ai ishte i përfshirë në sulmin e 7 tetorit 2023 në territorin izraelit.
Forcat e armatosura izraelite njoftuan se komandanti i eliminua bënte pjesë në njësinë elitare “Nukba”, e cila kreu infiltrimin në Izrael më 7 tetor. Sipas deklaratave izraelite, ai ishte i angazhuar në planifikimin e sulmeve të reja kundër civilëve dhe ushtarëve izraelitë, po ashtu dhe në rigjallërimin e kapaciteteve të Hamasit.
Gjatë sulmit të 7 tetorit 2023, humbën jetën rreth 1,200 persona në Izrael, ndërsa 251 të tjerë u rrëmbyen dhe u dërguan në Gaza.
Sipas ushtrisë izraelite, vrasja e këtij komandanti konsiderohet pjesë e përpjekjeve për të ndaluar sulme të mëtejshme. Ata e cilësuan ndërhyrjen si shkelje të armëpushimit, i cili mbetet në fuqi që prej tetorit të vitit 2025.
Kryeministri izraelit Benjamin Netanyahu tha të hënën se “nuk do të ketë qeveri të Hamasit në Gaza”, duke dërguar një paralajmërim të qartë për personat e përfshirë në sulmin e 7 tetorit.
“Ne do t’i kapim ata, siç kemi kapur të tjerët”, tha Netanyahu, sipas një deklarate të zyrës së tij.
L
